...Юмс байх ёстой газраа л байх ёстой...


...Энэ үгийг сонсвол хамгийн түрүүнд "Ratatouille" хүүхэлдэйн кино хэн бүхний санаанд буух биз... Бяцхан харх болон авъяасгүй өв залгамжлагч тогоочийн тухай өгүүлэх энэ киноны төгсгөлд хоол шүүмжлэгч Ego энэ үгийг хэлдэг. Ямартай ч дунд сургуулийн сурагч байхдаа энэ киног үзэж, тэр цагаас хойш хэд ч үзсэн уйдахгүй, дуртай болсон юм. Харин энэ киноноос мэдэж авсан хамгийн гайхалтай зүйл нь "Юмс байх ёстой газраа байх ёстой" гэдэг нь байлаа...
Гудамжинд, хичээл дээрээ, гадуур алхаж явахдаа энэ үг толгойноос минь гарч байсан нь үгүй билээ.          Хэд хоногийн өмнөхөн хичээлдээ суухаар сургууль дээрээ очоод гадуур хувцасаа өлгүүлэх гэтэл өлгүүрийн эгч байсангүй. Бид түүнийг "Аниа" гэж дууддаг. Аниа барагтаа л бол ажлаа тасалдаггүй бөгөөд өдөржин хүүхдүүдийн янз бүрийн хувцаснуудыг өлгөж, авч өгч зогсдог, нэг үгээр ажилдаа хариуцлагатай нэгэн бөгөөд би л хувьдаа оюутан болсноос хойш сургуулийн өлгүүрээс хувцас алга боллоо гэж сонсож байсан удаагүй билээ. Аниа ирээгүй байсанд жижүүр ахаас асуутал "Өнөөдөр ирэхгүй бие нь өвдсөн" гэлээ. Өлгүүрч эгч байхгүй учир би ч хувцасаа өөрөө ороод хамгийн булангийн өлгүүрт аваачиж өлгөөд хичээлдээ орлоо. Хичээлийн завсарлагаанаар гадуур хувцасаа авахаар доош буутал хүүхдүүд хувцасаа хаа сайгүй өлгөчихсөн дотор нь орж өөрийнхөө хувцасыг авах нь байтугай орох ч зайгүй хаа сайгүй эмх замбараагүй өлгөчихсөн байлаа. Тэр өдөр хүүхдүүд хувцасаа олохгүй, заримынх нь хувцас алга болчихлоо гээд л бөөн юм болж байв. Маргааш нь аниа ирлээ. Эртлэн ирээд хүүхдүүдийн хувцаснуудыг аваад эмх замбараатай өлгөөд дугаарыг нь өгөөд урьдынхаараа ажлаа хийсээр... Зарим хүүхдүүд түүнийг "Удаан хөдөлгөөнтэй, яршиг түвэгтэй, дүлий" гэнэ. Гэвч тэр хүн ажлаа чин сэтгэлээсээ хийдэг бөгөөд хэзээ ч бусдын хувцас гээд шалан дээр шидэлж, хамаагүй өлгөдөггүй...Хэдий тэр хүн "ӨЛГҮҮРЧИН" гэх тодотголтой ч хийж байгаа ажлаа чин сэтгэлээсээ хийдэг гэдгийг би анзаарсан юм.     Өлгүүрчин ч бай, цагдаа ч бай, багш ч бай тэд бүгд л өөр өөрийн үүрэгтэй бөгөөд тэр үүргээ биелүүлж байгаа цагт юмс байх ёстой байрандаа байдаг ажээ. Хүмүүс ямагт бие биенээ нөхцөлдүүлж байдаг бөгөөд аль нэг хэсэг үгүй бол юмс утгаа алдаж, байх ёстой байр нь алдагдаж байдаг бололтой.... Яг л өлгүүрийн эгч ганцхан өдөр ажилдаа ирээгүй байхад эмх замбараагүй байдал үүссэн шиг.....


"ЮМС БАЙХ ЁСТОЙ ГАЗРАА Л БАЙХ ЁСТОЙ..."

2012.10.02

Comments

Post a Comment

Popular posts from this blog

Notre dame de paris song #19 Belle / translation/

Image
 Францын нэрт зохиолч Виктор Гюгогийн Алдарт зохиолуудын нэг болох "Парисын дарь эхийн сүм" зохиолоор хийгдсэн бүжгэн жүжгийн хамгийн алдарт дуу болох "Belle" /by francious/ буюу "Үзэсгэлэн гоо" хэмээх дууны гурвалсан орчуулгыг энэ удаа оруулж байна. Улс орон бүрийн хэлний баялаг, уран зохиол, утга найрууллын хэлбэр өөр учир ерөнхий агуулгыг өөрчлөөгүй, хамгийн сайн хийгдсэн орчуулгуудыг оруулав.Харин дууг нь энэхүү линкээр сонсоорой./ http://www.youtube.com/watch?v=aBXeXBpTVOk/ Belle C'est un mot qu'on dirait inventé pour elle Quand elle danse et qu'elle met son corps à jour, tel Un oiseau qui étend ses ailes pour s'envoler Alors je sens l'enfer s'ouvrir sous mes pieds J'ai posé mes yeux sous sa robe de gitane À quoi me sert encore de prier Notre-Dame Quel Est celui qui lui jettera la première pierre Celui-là ne mérite pas d'être sur terre Ô Lucifer ! Oh ! Laisse-moi rien qu'une fois Glisser mes doigt...
Read more

Күнз "Шүүмжлэл өгүүлэл"-ээс

Image
Өршөөл оршихуй хэмээхүйн дөрөвдүгээр бүлэг                                                 Нэг. Нутаглах газарт өршөөл буй аваас нэн сайн. Нутаг газрыг сонгохуйд өршөөл үгүй болвоос мэргэн хэмээж боно гэж үү?                                                Хоёр Өршөөлт бус хүмүүн учир бэрхийн өмнө удаан үл тэсьюү, хөөр цэнгэлийн дунд ч хэдүй үл удъюу. Өршөөлт хүмүүн өршөөлөөр сэтгэлийг амаржуулж, мэргэн хүмүүн өршөөлөөр сайны үрийг хүртэх бөлгөө.                                                Гурав Гагцхүү өршөөлт хүмүүн л өөр бусдыг хайрлаж чадах, басхүү жигшиж чадах бөлгөө             ...
Read more

"МАЗЦҮ"

" Тухайтай үйлээ үйлдэлгүй       Тусгүй өөр нэгийг үйлдэх нь   Дорно зүг одох бөгөөтөл           Довтлон өрнө зүг одох лугаа"  Тодорхой толь              ... Арван дөрвөн настайдаа аавынхаа бичгийн ширээн дээр дэлгээтэй байсан эрдмийн ажил дээрээс энэ товчлолыг анх харж байсан билээ. Тодруулбаас "Би тэргүүтэй, дээл захтай сайн"  гэсэн үгний ард МАЗЦҮ хэмээн товчилсноор эхэлсэн байдаг юм.       Дээрх товчлолыг анх хараад ойлгоогүй, гайхаж байснаа их сургуулийн оюутан болсон хойноо тэрхүү судалгааны ажлыг хуучин номнуудаа эмхэлж цэгцэлж байх үед олж, тэргүүн хэсгийг нь хараад багадаа харж байснаа нэг санан сонирхон гарчиглалаа. Тийм ээ! тэр эрдмийн зэрэг горилсон ажил байсан аж. Гэсэн ч тухайн үедээ утгыг нь бүрэн ойлгож аваагүй байсан юмдаг. Ямартай ч аавын тэр эрдмийн ажлаас нэн тэргүүнээ МАЗЦҮ гэх товчлолыг ойлгож авсан юм. Инээдтэй боловч эхний удаа харахдаа МАЗЦҮ-...
Read more