Ariun

Ямар ч тохиолдолд өсгийтөө битгий тайлаарай.... ...Зангирсан хөлний булчин алхааг минь удаашруулан аргагүй такси барихад хүргэв... Хол биш хирнээ бас ойр биш энэ хэсэгхэн газарт алхах нь хялбар байх ч өмнөх өдөр нь өдөржин өсгийттэй уначихгүйг хичээн явсаар хөлийн булчин зангирсан тул хол явуулсангүй. Цасанд дарагдсан дороо мөстэй гантиган явган хүний зам дээр өсгийттэй нэгэн бүсгүй арай гэж тэнцэж ядан ойр ойрхон гишгэлэн алхална... Эвгүйхэн гишгэчихвэл хальтирч унах, бэртэж магадгүй харагдана. Эмэгтэй хүн юм болохоор түүнд ямаршуу байгааг ажиж, "Ээ уначихвий дээ" гэж зовнин зовнин харлаа.  Бодол сарниагүй ахуйд өнөөх хүүхэн уруу зассан замын чулуун дээр  хальтирч гулган  унахыг  таксины жолооч харчихаад "Эээээ энэ хүүхнүүд хөхөө өвлийн хүйтнээр хэндээ сайхан харагдах гэж ийм нарийхан юман дээр доёгонож явдаг байна. Хөгшин азарга жороо сурав гэгчээр их л сайхан амьтан юм байх гэсэн, хөгшин хүүхэн л байна ш д. Энэ авгай энэ өндөр юмаар үлийгээ хи...

Намрын сэрүү моддыг оройноос нь шарлуулахад  Навчис нь мөчрөө орхин гунигтайхан хагацна Буцах наран илчээ аяар хураан одох бүрт  Будант намар цаг өвлийг дуудан исгэрнэ Бодсоор бодсоор бодлын сааль шавхагдлаа Бороо шаагиулан намар сэтгэлд гуниг нэмлээ Болдогсон бол зундаа жаахан эрхлэхсэн Болохгүй юм даа даан ч навчис эргэж нахиалахгүйсэн Үүрийн хяруу, бяцхан болжмортой хоршин симфони уянгалуулахад Үймэрсэн сэтгэл дэх өчүүхэн толбыг үргээн одох шиг Үргэлжлэл, уламжлал, үечлэл болсон намар цаг Үүрд орших цаг хугацааг гэтэлгэн байгаа нь энэ биз ээ Магад намар цаг болдоггүйсэн бол Мартаж би эгээрэх ухаангүй явж байж мэднэ Манант хорвоогийн нэгэн жам намар цаг Маргааш надад юу өгөхийг бас хэлж таашгүй 2018.10.03

Хүний газар Хүйтэн ус Хүнийрхүү сэтгэл Хомхой санаа Хорон үгс Ховдог шунал дунд Цор ганцаар Тэмтчин бүдчих Цовоо сэргэлэн Тэнэг гэнэн явах Хэрэлдээд гарсан Аавыгаа санан бэдрэх Хэдэрлээд уурласан Ээжийгээ бодон мэлмэрэх 2019.07.01

"18-р сонет" Зуны өдөртэй чамайгаа зүйрлэх үү? Заяасан үзэсгэлэн тань илүү энхрий ялдам: Урин цагийн хонгорцогийг уухилуу салхи сэгсчихүй Улирал зуны нас тун богинохон байх юм. Хурмастын мэлмий хааяахан хэт халуун төөнөвч Халхлагдаж, алтлаг үзэмж нь үргэлж л бүүдийнэ Болзошгүй, эсвэл байгалийн эрхээр улиран хагдарч Бүгдээс сайхны дээд бүхэн зүсээ алдана. Харин чиний мөнхийн зун үл улирах агаад Хосолсон гоо тань эзэмшлээ үл гээхийн хамтаар Үхэл ч өөрийн сүүдрээрээ хучиж үл сайрхах бөгөөд Үл замхрах шүлэгстэй минь хамт үүрд чи амьдарсаар. Хүн төрөлхтөн мөхөөгүй, харалган болоогүй цагт Холбосон шадууд оршин, хонгор чамд амьдрал тэтгэнэ эгнэгт. "XVIII sonnet" Shall I compare thee to a summer’s day? Thou art more lovely and more temperate: Rough winds do shake the darling buds of May, And summer’s lease hath all too short a date: Sometime too hot the eye of heaven shines, And often is his gold complexion dimmed, And every fair from fair sometime decli...

Шүүх хуралдаан дуусахад шүүгч шийдвэр уншиж сонсгохдоо "Монгол улсын нэрийн өмнөөс...." хэмээн эхлүүлэхэд оюутан байхдаа ихэд гайхаж билээ. Энэ шүүгчийн ажил биз дээ? гэж ч тухайн үед бодогдож байсан санагдана. Энэ л үеэс хүн амьд ахуй хугацаандаа хэзээ ч дан ганц өөрийн нэрийн өмнөөс амьдардаггүй юм байна гэдгийг ойлгож билээ.  Угтаа шийдвэрийг шүүгч гаргаж байгаа боловч шийдвэрийн үндэслэл нь Монгол улсын хууль буюу Хууль тогтоох эрх мэдлийн байгууллага /төр/-н баталсан эрх зүйн баримт бичгийг удирдлага болгож буй тул хувь хүний биш төрийн шийдвэр юм гэдгийг ийн тодотгодог. Яг үүнтэй нэгэн адилаар бид амьдрал, ахуйдаа ганцхан өөрийн нэр, хар толгойн өмнөөс нийгмийн харилцаанд оролцдоггүй аж. Мэдээж хувь хүн, бие хүн гэх ойлголтууд философийн категори болохын хувьд өөр утга, агуулгатай байтал яагаад насан туршдаа хувь хүн өөрийн нэрийн өмнөөс амьдардаггүй гэж? та асуух байх. Тайлбарлах гэж оролдъё.  НЭГ. Би төрлөө. Хэний хүүхэд вэ? Төрсөн цагаас би шууд өөрийн нэр...

Шилэн аяган дахь кофены шаар, элсэн чихрийн холимогийг хутгангаа “Бид нэг л дэлхийд амьдарч байгаа шүү дээ. Тийм байхад би зүгээр сууж чадахгүй, дэлхийгээр тойрч өөрийн хийж буй зүйлээ бусадтай хуваалцмаар байна” гэж хэлэхэд Канад бүсгүйн нүүрэнд инээмсэглэл тодорч байв. Бүсгүй  кофег гуужуулагч, зөгийн балыг вакс, цэцэгсийг бальзам болгодог байгалийн гаралтай гоо сайхны бүтээгдэхүүний бизнес эрхэлдэг бөгөөд энэ удаад Монгол бүсгүйчүүдэд зориулсан сургалтыг зохион байгуулж байгаа нь энэ. Гадаад харилцааны яамны баруун талд байрлах  “ICC tower”-т гарааны бизнес эрхлэгчдийн очих дуртай нэгэн газар бол Club coworking. Өндөр барилгын 13-р давхарт байрлах уг газраас төв талбай, Blue sky, Central tower зэрэг газруудыг тольдож болох бөгөөд төв талбайгаас 5 минут орчим алхаад хүрэх зайд байрладаг тул гаднаас ирсэн бизнесменүүд Монголд байх хугацаандаа энд сууж ажиллах дуртай. Жонна бол тэдний нэг бөгөөд өвлийн хүйтэн өдрүүдэд дулаан танхимд халуун дарс шимэнгээ, кофены гуужуул...